بسمة في الخاطر

كتبتك بسمه في الخاطر 
وعنوان في القلب مكتوب 
وفرحه لي عشم باكر 
وغنوه في دواخلي تزيد 
من وجع الهوي الشاطر 
والفه وريد وحن مسكوب
والشوق يستف فيني
ويضاير  
كتبتك غنوه للأطفال 
وزغروده فرح  عاطر 
ونسمه في الدعاش البدري 
رقيقه تطيب الخاطر 
وحن لي وطن موجوع 
وجعنا معاه جد حاسر 
وطن انسان عزيز غالي
فيه سماحه الطيبين 
ناسآ في الجمر صابريين 
ورب العزه هو القادر 
تتغير مصايرنا 
ويبق الهم مفارقنا 
واجمل فرحه يوم باكر 

نجلاء البوادي